[b]Çirûsk[/b] [i]Kamran Simo Hedilî[/i] [img]http://img123.imageshack.us/img123/6162/kamransimoui9.jpg[/img] dil nefela baran lêhatî hestên me xunavgirtî hatinên dûr li mirina lehengên bênav dinêrin çirûskên hêviyê direcifîn di cîhana mejiyê me de bê dengîyeke giran, giran hebû ronahiya nûvejînê bi kulîlkên awirên heyvê di nav kirasê bê hêvîtiyê de xwe berdide ser bêdengiyên di malzaroka evînê de hezkirin û hêvî hişyar dikir çirûska GELAWÊJÊ bayekî nerim û nazik li gerdûn digerand piste, piste kulîlkan bû mizgîniyên şîn û şahiyên dê bên di dane hev dilên di bîra evînê de tirsiyayî rondikên hezkirinê dibarandin destên ji hev qetandî ber bi hev direviyan ramanên kelemçekirî zincîr diqetandin bi agirê azadiyê mexalê dîlîtiyê dişewitandin di malzaroka evînê de bi sedan siwarên cengê li hev di qulibandin ew dem nayê bîra zarokan demeke melûl melûl... mezin naxwazin bi bîr bînin nêrînên mirî di gevzoka gera bêbinî de dans dikirin di pêşbirka xulamtiyê de bi hev re şer dikirin koma heyî jî balav dikirin zarokên hêviyê ajotine ser rastiyê şoştin guman û mij bi hêza ronahiyên êdî fireh in gavên me û dengên baweriyê dengên îro nayêne bihîstin li ser lêvan afirandin ev jiyan xunava dilê me anî ewrên dûr, dûr... yên çav şil yên li zengilê dîlanê dixin [b]Kamran Simo Hedilî kî ye[/b] Hedilî, di sibata 1955 de li gundê Hedilê ya bi ser navça Hezexê hate dinyayê. Di zaroktiya xwe de mala xwe bar dikin bajarê Batmanê. Di temenê ciwaniyê de dikevê nav tevgera azadiya Kurdistanê. Ji terefî dewlata tirk ve, du caran tê girtin. Di cunta eskerî ya 12.10. 1980 de bi hevalên xwe re derbasî Rojavayî Kurdistan û Lubnanê dibe. Xabata xwe li Rojavayê Kurdistanê didomîne, li wir jî ji terefî dewlata Surî ve têgirtin. Di amadekarî û xabata 15 ê tebaxa 1984 an a çekdarî de ji nû ve di nav tevgerkirina gel li Bakurê Kurdistanê cihê xwe digire. Li Rojhilatê Kurdistanê ji terefî dewlata Ø®ranê ve jî tê girtin. Kamran Simo Hedilî, li her çar parçên Kurdistanê, hem di nav xabata tevgerkirina gel de û hem di nav xabata artê‏ê de cihê xwe digire. Ji 1982 ve dinivîse, pê‏î bi tirkî dinivîsî. Pişâ€tre bi kurdî dest bi nivîsandinê kir. Bi kurdî kurteçîrok, helbest, destan û lêkolînên wî di rojname, kovar û malperan de hatine weşâ€andin. Kamran Simo Hedilî, endamê Pena Kurd a navnetewî ye. Vêga di rêvebiriya Enstutyiya Kurdî li Stockholm xabata xwe didomîne. Çar pirtûkên wî yên çapbûyî hene: Lorîna pênûsê, helbest, Civata giyanan, kurteçîrok, Ji Enfalê ‏eveke bêsibe, destan, Min deng ku‏tin, helbst. Du pirtûkên wî li ber çapêne: Helbest çi ye? lêkolîn li ser danasîna helbestê û kîjan kulîlk çavên te ne? [b]Zarathustra News – [email protected][/b]