PNA – Mekkî Hêvî / Zaxo – Piştî ku ev çend roj bûn deverên sênorîyên herêma kurdistanê aram bûbûn, şeva çûyî dîsan firrokeyên cengê yên supayê Turkiye bi kûrayîya 05 kîlometran sînorê herêma kurdistanê derbas kirin û deverên sînorîyên herêma kurdistanê bi dijwarî bombbaran kirin. Di evê bareyê de rêvebirê pasevanên sînorê parêzgeha Duhokê Huseyn Temer Tirwanişî ji ajansa PNA re got: şeva çûyî di demjimar 09:30 de firrokeyên cengê yên Turkiye sînorê herêma kurdistanê bi 05 kîlometran derbas kirin û devera Heftenînê ya girêdayî herêma Sindîyan û bajêrê Zaxo û gundên devera NêrweRêkan a girêdayî Amêdîyê bi dijwarî bombbaran kirin.. behaneya supayê Turkiye jî her hebûna çekdarên PKK ye û kes li ewan gundana nemaye. Huseyn Temer Tirwanişî da zanîn, ku hejmara firrokeyan nehat zanîn, belê maweyeka dirêj bombbarana xwe bi dijwarî kirin. Malperra supayê Turkiye jî evroj aşkira kir, ku şeva derbasbûyî firrokeyên wan çend deverên herêma kurdistanê bombbaran kirine.